ఇన్నోవిస్ట్'ను దక్కించుకున్న లోరియల్.. ఇన్వెస్టర్లకు కాసుల వర్షం!

ప్రముఖ అంతర్జాతీయ బ్యూటీ బ్రాండ్ 'లోరియల్' (L'Oréal), భారతీయ పర్సనల్ కేర్ స్టార్టప్ 'ఇన్నోవిస్ట్' (Innovist) లో మెజారిటీ వాటాను కొనుగోలు చేసింది. అధికారికంగా విలువను వెల్లడించనప్పటికీ, ఈ డీల్ సుమారు రూ.4,100 కోట్ల విలువతో భారత్‌లోనే అతిపెద్ద డి-టు-సి (D2C) విలీనంగా నిలిచిందని మార్కెట్ వర్గాల సమాచారం. ఈ ఒప్పందం ద్వారా ఇన్నోవిస్ట్ వ్యవస్థాపకులతో పాటు తొలిదశ ఇన్వెస్టర్లయిన సాస్ వీసీ (Sauce VC), అమెజాన్ వంటి సంస్థలు భారీ లాభాలను ఆర్జించాయి. ముఖ్యంగా ముందస్తు ఇన్వెస్టర్లకు తమ పెట్టుబడిపై దాదాపు 8 నుండి 10 రెట్లు అధికంగా రిటర్న్స్ వచ్చినట్లు తెలుస్తోంది.