పూణేలో కొండచరియలు విరిగిపడి ఇల్లు ధ్వంసం

పుణే జిల్లా మావల్ తాలూకాలోని పటాన్ గ్రామంలో తెల్లవారుజామున భారీగా కొండచరియలు విరిగిపడ్డాయి. ఈ ప్రమాదంలో ఒక ఇల్లు పూర్తిగా ధ్వంసమైంది. అందులో నివసిస్తున్న ఒకే కుటుంబానికి చెందిన సభ్యులంతా శిథిలాల క్రింద చిక్కుకుపోయినట్లు ప్రాథమిక సమాచారం అందుతోంది. సమాచారం అందుకున్న వెంటనే తహశీల్దార్, ఎన్డీఆర్ఎఫ్ (NDRF) బృందాలు ఘటనాస్థలానికి చేరుకున్నాయి. ఇన్‌స్పెక్టర్ రవీందర్ నేతృత్వంలోని 30 మంది సిబ్బంది సహాయక చర్యలను ముమ్మరం చేశారు. ఇప్పటివరకు ఎలాంటి ప్రాణనష్టం అధికారికంగా నమోదు కాలేదు.