మాగల్లులో లక్ష్మీ నరసింహ స్వామి విగ్రహ మహాకుంభాభిషేకం

ఎన్టీఆర్ జిల్లా నందిగామ మండలం మాగల్లులో 108 అడుగుల భారీ లక్ష్మీ నరసింహ స్వామి విగ్రహానికి మహాకుంభాభిషేకం వైభవంగా జరిగింది. కర్ణాటక హంపి పీఠాధిపతి విద్యారణ్య భారతి మహాస్వామి చేతులమీదుగా ఈ కార్యక్రమాన్ని నిర్వహించారు. తొమ్మిది పవిత్ర నదీ జలాలతో కుంభాభిషేకం, అనంతరం మహా పూర్ణాహుతి నిర్వహించారు. ఈ వేడుకలో భాగంగా పల్లగిరిపై ఉన్న త్రిశక్తి దేవాలయంలో కూడా కుంభాభిషేకం చేపట్టారు. ఈ కార్యక్రమానికి భక్తులు భారీగా తరలివచ్చి స్వామివారిని దర్శించుకున్నారు.