గుంటూరు జిల్లాలో ఆరుతడి పంటలపై అవగాహన లోపం

ఎల్‌నినో ప్రభావంతో భూగర్భ జలాలు తగ్గుతున్న నేపథ్యంలో ఆరుతడి పంటల సాగుపై ప్రభుత్వం సూచనలు చేస్తోంది. అయినప్పటికీ గుంటూరు జిల్లాలో రైతులు వరి సాగుపైనే ఆసక్తి చూపుతున్నారు. మినుము, పెసర, జొన్న వంటి తక్కువ నీటి అవసరమున్న పంటలపై క్షేత్రస్థాయిలో అవగాహన కల్పించడం లేదనే విమర్శలు వస్తున్నాయి. మట్టి పరీక్షలు, పంటల ఎంపికపై మార్గదర్శనం అందించాలని రైతులు కోరుతున్నారు.