కుంటాలకు తెలంగాణ పబ్లిక్ స్కూల్ మంజూరు

కుంటాల మండల కేంద్రంలోని తెలంగాణ మోడల్ స్కూల్‌ను అప్‌గ్రేడ్ చేసి తెలంగాణ పబ్లిక్ స్కూల్‌గా మార్చేందుకు ప్రభుత్వం జీవో విడుదల చేసిందని ఎమ్మెల్యే పవార్ రామారావు పటేల్ తెలిపారు. ఇందుకోసం రూ.9 కోట్ల నిధులు మంజురయ్యాయని పేర్కొన్నారు. ఈ నిధులతో అదనపు తరగతి గదులు, మౌలిక వసతులు, ఇతర సౌకర్యాలు మెరుగు పరుస్తామన్నారు. ప్రాథమిక విద్య నుంచి ఇంటర్ వరకు ఒకే చోట విద్యాభ్యాసం చేసే అవకాశం కలుగుతుందని తెలిపారు.