కేపీహెచ్‌బీలో ఆక్రమణల తొలగింపు

హైదరాబాద్ కేపీహెచ్‌బీ కాలనీ మీసేవ రోడ్డులో ఫుట్‌పాత్ ఆక్రమణలను టౌన్ ప్లానింగ్ అధికారులు శనివారం తొలగించారు. ఫుట్‌పాత్‌పై ఉన్న టిఫిన్, జ్యూస్ సెంటర్లను అధికారులు తొలగించడంతో రోడ్డుపై రాకపోకలకు ఆటంకాలు తొలగాయి. గత కొన్నేళ్లుగా వస్తున్న ఫిర్యాదుల మేరకు ఈ చర్యలు చేపట్టారు. అయితే, తమ జీవనోపాధి దెబ్బతింటోందని, ప్రత్యామ్నాయం చూపకుండా ఆక్రమణలు తొలగించడంపై చిరు వ్యాపారులు ఆవేదన వ్యక్తం చేస్తున్నారు.