కొత్త ఓటర్ల నమోదుకు నేడే ఆఖరు

లక్షెట్టిపేట మండలంలో 18 ఏళ్లు నిండిన వారు కొత్త ఓటర్లుగా పేరు నమోదు చేసుకునేందుకు బుధవారం ఆఖరి తేదీ అని తహశీల్దార్‌ దిలీప్‌కుమార్‌ తెలిపారు. సర్వేలో పేరులేని వారు, కొత్తగా అర్హత పొందిన వారు ఫారం-6 పూర్తి చేసి స్థానిక బీఎల్‌వోలకు అందించాలని సూచించారు. ఎన్నికల కమిషన్‌ ఆదేశాల మేరకు ఓటరు నమోదు ప్రక్రియ చేపట్టినట్లు తెలిపారు. తుది ఓటరు జాబితాను నవంబర్‌ 9న ప్రకటిస్తామని తహశీల్దార్‌ పేర్కొన్నారు.