కొండాపూర్‌లో దారుణం: సాంబార్ రైస్‌లో చికెన్ ముక్కలు

కొండాపూర్‌లోని చైతన్య ఫుడ్ కోర్ట్‌లో వెజ్ సాంబార్ రైస్ ఆర్డర్ చేసిన షానవాజ్‌కు అందులో చికెన్ ముక్కలు కనిపించడంతో షాక్ అయ్యారు. శాకాహారి అయిన తన సహోద్యోగితో కలిసి భోజనం చేస్తుండగా ఈ ఘటన జరగడంతో ఆయన తీవ్ర ఆగ్రహం వ్యక్తం చేశారు. అత్యంత బాధ్యతారాహిత్యంగా వ్యవహరించిన ఫుడ్ కోర్ట్ నిర్వాహకులపై కఠిన చర్యలు తీసుకోవాలని ఆయన డిమాండ్ చేశారు. నాణ్యత పాటించని రెస్టారెంట్ల తీరుపై వినియోగదారులు ఆందోళన చెందుతున్నారు.