కొండగట్టు గిరి ప్రదక్షిణ దారి నిర్లక్ష్యం

కొండగట్టు గిరి ప్రదక్షిణ మార్గం మూడేళ్లైనా పూర్తిస్థాయిలో అభివృద్ధి కాలేదు. వర్షాలతో దారి దెబ్బతిని, పలుచోట్ల చెట్ల కొమ్మలు అడ్డుగా మారాయి. ఈ నెల 29న జరిగే గిరి ప్రదక్షిణకు భారీగా భక్తులు హాజరయ్యే అవకాశం ఉంది. రూ.30 కోట్లతో మార్గం అభివృద్ధికి ప్రతిపాదనలు సిద్ధమైనా పనులు ప్రారంభం కాలేదు. దారిని విస్తరించి రక్షణ గోడలు, పార్కింగ్‌, మరుగుదొడ్ల ఏర్పాటుకు చర్యలు చేపట్టాలని అధికారులు సూచించారు.