కండ్లపల్లి పాఠశాలను సందర్శించిన ఎంఈఓ

బీర్పూర్ మండలం నాయకపు గూడెంలోని కండ్లపల్లి ఎంపీపీఎస్ పాఠశాలను గురువారం ఎంఈఓ నాగభూషణం సందర్శించారు. విద్యాబోధన, విద్యార్థుల అభ్యసన స్థాయిని పరిశీలించారు. ప్రతి విద్యార్థిపై ప్రత్యేక శ్రద్ధ చూపుతూ నాణ్యమైన విద్య అందించాలని ఉపాధ్యాయులకు సూచించారు. విద్యార్థులు చదువులో రాణించేలా ప్రణాళికాబద్ధంగా బోధన సాగించాలని తెలిపారు.