కౌడిపల్లిలో భారీ వర్షం.. చెట్టుపై పిడుగు

కౌడిపల్లి మండలం కొట్టాల గ్రామంలో గురువారం రాత్రి ఉరుములు, మెరుపులతో భారీ వర్షం కురిసింది. అర్ధరాత్రి ఓ పెద్ద చెట్టుపై పిడుగు పడటంతో చెట్టు కాలిపోయింది. ఘటనకు సంబంధించిన దృశ్యాలు వాట్సాప్‌ గ్రూపుల్లో వైరల్‌గా మారాయి. భారీ వర్షంతో పంట పొలాల్లో అక్కడక్కడ నీరు చేరింది. దీంతో పంటలు పండుతాయన్న ఆశాభావంతో రైతులు హర్షం వ్యక్తం చేశారు.