చిగురుమామిడి డిప్యూటీ తహసీల్దార్‌గా కళావతి

చిగురుమామిడి డిప్యూటీ తహసీల్దార్‌గా పీ కళావతి శుక్రవారం బాధ్యతలు స్వీకరించారు. గంగాధర నుంచి బదిలీపై వచ్చిన ఆమె, ప్రజలు పనుల కోసం దళారులను నమ్మి మోసపోవద్దని, నేరుగా కార్యాలయానికి రావాలని సూచించారు. గత రెండు నెలలుగా ఖాళీగా ఉన్న ఈ పోస్టులో ఆమె చేరికతో ప్రజల సమస్యలకు పరిష్కారం లభించనుంది. ఈ సందర్భంగా సిబ్బంది ఆమెను సత్కరించారు.