కాలనీల్లో గణనాథులకు శ్రీనివాస్ గౌడ్ ప్రత్యేక పూజలు

మహబూబ్‌నగర్ పట్టణంలోని వివిధ కాలనీల్లో ఏర్పాటు చేసిన గణనాథులను మాజీ మంత్రి వి. శ్రీనివాస్ గౌడ్ దర్శించుకుని ప్రత్యేక పూజలు నిర్వహించారు. వినాయక చవితి సందర్భంగా భక్తులతో కలిసి పూజా కార్యక్రమాల్లో పాల్గొని స్వామివారి ఆశీస్సులు పొందారు. ఈ సందర్భంగా ఆయన కాలనీ వాసులకు వినాయక చవితి శుభాకాంక్షలు తెలిపారు. ప్రజలంతా సుఖసంతోషాలతో, ఆయురారోగ్యాలతో ఉండాలని గణనాథుడిని ప్రార్థించారు.