జులైలో 104 శాతం బొగ్గు ఉత్పత్తి లక్ష్యాన్ని చేరుకున్న సింగరేణి

ఎల్‌నినో ప్రభావంతో వర్షాభావ పరిస్థితులు నెలకొనడంతో సింగరేణి జులైలో 104 శాతం బొగ్గు ఉత్పత్తి లక్ష్యాన్ని సాధించింది. జూన్‌లోనూ లక్ష్యాన్ని చేరుకున్న సంస్థ వరుసగా రెండో నెలలోనూ మెరుగైన ఉత్పత్తి నమోదు చేసింది. సత్తుపల్లి, మణుగూరు, బెల్లంపల్లి, రామగుండం-2 ఏరియాలు లక్ష్యాలను అధిగమించగా, కొత్తగూడెం, అడ్రియాల ఏరియాల్లో ప్రాజెక్టుల పరిస్థితుల కారణంగా ఉత్పత్తి తక్కువగా నమోదైంది.