జీతాల కోసం స్కావెంజర్స్ విధుల బంద్

ములుగు జిల్లాలోని 327 ఎంపీపీఎస్‌, జడ్పీహెచ్‌ఎస్‌ పాఠశాలల్లో పనిచేస్తున్న స్కావెంజర్స్‌ నాలుగు నెలలుగా జీతాలు పెండింగ్‌లో ఉండటంతో ఈ నెల 6, 7 తేదీల్లో విధులకు హాజరుకావడం లేదని అసోసియేషన్‌ ప్రకటించింది. జీతాల చెల్లింపుపై హెచ్‌ఎంలు, ఏఏపీసీ ఛైర్మన్లకు లేఖలు అందించారు. జీతాలు విడుదల చేసే వరకు పోరాటం కొనసాగిస్తామని అసోసియేషన్‌ నాయకులు తెలిపారు. సమస్యను పరిష్కరించి బకాయి జీతాలు చెల్లించాలని కోరారు.