జాతీయ రహదారిపై మొక్కజొన్న ఆరబోత

నిర్మల్ జిల్లా చిట్యాల గ్రామం వద్ద 61వ జాతీయ రహదారిపై స్థానిక రైతులు మొక్కజొన్నను ఆరబోస్తున్నారు. దీంతో వాహనదారులకు, ముఖ్యంగా రాత్రివేళల్లో ప్రమాదాల ముప్పు ఉందని స్థానికులు ఆందోళన వ్యక్తం చేస్తున్నారు. ఖరీఫ్ పంటలు కోత దశకు చేరుకున్న నేపథ్యంలో రైతులకు అవగాహన కల్పించాలని రవాణా అధికారులు, పోలీసులను కోరుతున్నారు. ప్రమాదాలు జరగకముందే ముందస్తు చర్యలు చేపట్టాలని వాహనదారులు విజ్ఞప్తి చేశారు.