జాబితాపూర్ మీదుగా జగిత్యాల–పెగడపల్లి బస్సు పునఃప్రారంభం

జాబితాపూర్ మీదుగా జగిత్యాల–పెగడపల్లి బస్సు పునఃప్రారంభమైంది. గ్రామానికి బస్సు సౌకర్యం కల్పించాలని ఇటీవల కందుల శేఖర్ గౌడ్ తదితరులు ప్రజావాణిలో వినతిపత్రం సమర్పించగా అధికారులు స్పందించారు. దీంతో బస్సును గ్రామం లోపలి నుంచి వెళ్లేలా పునరుద్ధరించారు. ఈ సందర్భంగా సర్పంచ్ ఫోన్‌శెట్టి మహేష్, చిత్తారి శ్రీనివాస్, శెట్టి రవీందర్, అరిగెల శ్రీకాంత్ తదితరులు కొబ్బరికాయ కొట్టి బస్సును ప్రారంభించారు.