వివాదాస్పద ఈ-రిక్షా యాప్‌లపై ఐటీ శాఖ వేటు

ఈ-రిక్షాలను అడ్డుకునేందుకు వాడిన రెండు అప్లికేషన్లను యాప్ స్టోర్స్ నుండి తొలగించినట్లు కేంద్ర ఐటీ శాఖ కార్యదర్శి ఎస్. కృష్ణన్ తెలిపారు. ఇలాంటి హానికరమైన యాప్‌ల విషయంలో స్టోర్లు తగిన జాగ్రత్తలు తీసుకోవాలని ఆయన స్పష్టం చేశారు. యాప్‌లను నిషేధించినా వీపీఎన్ల ద్వారా వాడటాన్ని అడ్డుకునేందుకు సాంకేతిక, చట్టపరమైన పరిష్కారాలను అన్వేషిస్తున్నట్లు పేర్కొన్నారు. భారత్‌లో నమోదు చేసుకోకుండా విదేశాల నుండి నడిచే వీపీఎన్లను నియంత్రించడానికి కఠిన చర్యలు చేపడతామన్నారు.