రూ.2,537 కోట్ల భారీ నష్టాల్లో ఇండిగో

ప్రముఖ విమానయాన సంస్థ ఇండిగో మాతృసంస్థ అయిన ఇంటర్‌గ్లోబ్ ఏవియేషన్ మార్చి త్రైమాసికంలో రూ.2,536.90 కోట్ల భారీ నికర నష్టాన్ని ప్రకటించింది. రూపాయి పతనం, విదేశీ మారక ప్రభావం మరియు పెరిగిన నిర్వహణ ఖర్చుల వల్లే ఈ భారీ నష్టాలు వచ్చాయని సంస్థ వెల్లడించింది. గతేడాది ఇదే త్రైమాసికంలో లాభాల్లో ఉన్న కంపెనీ ఆదాయం పెరిగినప్పటికీ, ప్రస్తుత పూర్తి ఆర్థిక సంవత్సరానికి (2025-26) గాను రూ.2,393.6 కోట్ల మొత్తం నికర నష్టాన్ని చవిచూసింది.