రేషన్‌ బియ్యం అక్రమ రవాణాకు కొత్త రూట్లు

పోలీసులు, విజిలెన్స్‌ దాడులు ముమ్మరం చేయడంతో రేషన్‌ బియ్యం అక్రమ రవాణా ముఠాలు స్థావరాలు మారుస్తున్నాయి. రేణిగుంట, శ్రీకాళహస్తి నుంచి సూళ్లూరుపేట, సత్యవేడు, నగరి ప్రాంతాలకు దందాను మార్చినట్లు సమాచారం. పేదలకు ఇచ్చే బియ్యాన్ని కిలోకు రూ.15-18కు కొనుగోలు చేసి, తమిళనాడు, కర్ణాటకలో రూ.40 వరకు విక్రయిస్తున్నట్లు తెలుస్తోంది. స్థానిక నేతలు, ప్రజాప్రతినిధుల అండతో దందా సాగుతోందని ఆరోపణలు ఉన్నాయి.