ఐడీఎఫ్‌సీ ఫస్ట్ బ్యాంక్‌కు రికార్డు లాభం

ఐడీఎఫ్‌సీ ఫస్ట్ బ్యాంక్ జూన్ త్రైమాసికంలో అత్యధికంగా రూ.1,075 కోట్ల నికర లాభాన్ని నమోదు చేసింది. గత ఏడాది ఇదే కాలంలో ఇది రూ.463 కోట్లు. నికర వడ్డీ ఆదాయం 21% పెరిగి రూ.5,972 కోట్లకు చేరింది. నిధుల వ్యయం తగ్గడం, క్రెడిట్ ఖర్చులు తగ్గడమే లాభాల పెరుగుదలకు కారణమని ఎండీ, సీఈఓ వి. వైద్యనాథన్ తెలిపారు. బ్యాంకు ఆర్థిక పనితీరు మరింత మెరుగుపడే సంకేతాలు కనిపిస్తున్నాయని పేర్కొన్నారు.