ఇబ్రహీంపట్నంలో లారీల బ్యాటరీలు మాయం

ఇబ్రహీంపట్నంలో రాత్రివేళ పార్కింగ్ చేసిన లారీల బ్యాటరీలను గుర్తుతెలియని వ్యక్తులు అపహరిస్తున్నారు. గుడి సమీపంలోని ఖాళీ ప్రదేశం, రోడ్డుపై నిలిపిన లారీలే లక్ష్యంగా చోరీలు జరుగుతున్నాయి. గత రాత్రి రెండు బ్యాటరీలు చోరీ కాగా, వారం వ్యవధిలో 9 లారీల బ్యాటరీలు మాయమయ్యాయని డ్రైవర్లు తెలిపారు. సీసీ కెమెరా దృశ్యాల ఆధారంగా బాధితులు ఆరా తీస్తున్నారు. వరుస చోరీలపై పూర్తి వివరాలు తెలియాల్సి ఉంది.