హైదరాబాద్ ఓటరు జాబితా

హైదరాబాద్‌లో నివసించే వివిధ రాష్ట్రాల ప్రజలకు తెలుగు రాకపోవడంతో ఎన్యూమరేషన్ పత్రాల విషయంలో ఇబ్బందులు ఎదురవుతున్నాయి. ఈ నేపథ్యంలో పత్రాలను ఆంగ్లంలో ముద్రించి పంపిణీ చేయాలని రాజకీయ పార్టీలు జిల్లా ఎన్నికల అధికారిని కోరాయి. పార్టీల అభ్యర్థన మేరకు ఈ విషయాన్ని కేంద్ర ఎన్నికల సంఘం దృష్టికి తీసుకెళ్లేందుకు జిల్లా ఎన్నికల అధికారి ఆర్వీ కర్ణన్ నిర్ణయించారు. దీనిపై జీహెచ్‌ఎంసీ కార్యాలయంలో పార్టీలతో చర్చలు జరిపారు.