హైదరాబాద్‌లో వీధికుక్కల దాడి: చిన్నారి పరిస్థితి విషమం

హైదరాబాద్‌లోని బీఎన్‌ రెడ్డి నగర్‌లో వీధికుక్కలు మరోసారి బీభత్సం సృష్టించాయి. ఇంటి సెల్లార్‌లో ఆడుకుంటున్న ఆద్విక్ అనే బాలుడిపై పది కుక్కలు ఒక్కసారిగా దాడి చేశాయి. ఈ ఘటనలో చిన్నారి తలకు తీవ్ర గాయాలయ్యాయి. ప్రస్తుతం ఆసుపత్రిలో బాలుడి పరిస్థితి విషమంగా ఉంది. వీధికుక్కల బెడదపై అధికారులకు ఎన్నిసార్లు ఫిర్యాదు చేసినా పట్టించుకోవడం లేదని స్థానికులు ఆగ్రహం వ్యక్తం చేస్తున్నారు. తక్షణమే చర్యలు తీసుకోవాలని డిమాండ్ చేస్తున్నారు.