హైదరాబాద్ మెట్రో: ఖజానాపై వడ్డీ భారం

హైదరాబాద్ మెట్రో ఫేజ్-1ను ప్రభుత్వం హడావుడిగా తన ఆధీనంలోకి తీసుకోవడంతో, ఎల్‌అండ్‌టీకి చెందిన రూ.13,600 కోట్ల అప్పుల భారం సర్కారుపై పడింది. లోన్ రీఫైనాన్సింగ్‌లో జాప్యంతో ప్రతిరోజూ రూ.2.5 కోట్ల వడ్డీ చెల్లిస్తోంది. ప్రణాళికా లోపంతో 52 రోజుల్లోనే రూ.130 కోట్ల ప్రజాధనం వడ్డీ రూపంలో వృథా అయ్యింది. ప్రైవేట్ సంస్థ నష్టాలను తగ్గించేందుకు తీసుకున్న ఈ నిర్ణయం, రాష్ట్ర ఖజానాకు భారీ గండి కొట్టి ఆర్థిక ఇబ్బందుల్లోకి నెట్టింది.