ఫోర్బ్స్ జాబితాలో హైదరాబాద్ అమ్మాయి.. చానెల్ బ్రాండ్ అంబాసిడర్‌గా భవిత!

హైదరాబాద్‌కు చెందిన భవిత మండవ అంతర్జాతీయ ఫ్యాషన్ రంగంలో సంచలనం సృష్టిస్తున్నారు. న్యూయార్క్ సబ్‌వే స్టేషన్‌లో ఓ మోడలింగ్ ఏజెంట్ ఆమెను గుర్తించడంతో మొదలైన ఈమె ప్రయాణం, ప్రముఖ బ్రాండ్ ‘చానెల్‌’కు భారతీయ అంబాసిడర్‌గా నియమితులయ్యే స్థాయికి చేరింది. చానెల్ ఆర్ట్ షోను ప్రారంభించిన తొలి భారతీయ మోడల్‌గా ఆమె చరిత్ర సృష్టించారు. ఆమె సాధించిన విజయాలకు గుర్తింపుగా ప్రతిష్ఠాత్మక 'ఫోర్బ్స్ ఏషియా 30 అండర్ 30' ఆర్ట్స్ విభాగంలో భవితకు చోటు దక్కింది. జేఎన్‌టీయూ (JNTU) పూర్వ విద్యార్థిని అయిన భవిత, ప్రపంచ వేదికపై తెలుగువారి ఖ్యాతిని చాటిచెబుతూ ఎందరికో స్ఫూర్తిగా నిలుస్తున్నారు.