‘హబ్‌ అండ్‌ స్పోక్‌’ విమాన సేవలు: అంతర్జాతీయ ప్రయాణం సులభతరం

టైర్-2, టైర్-3 నగరాలను అంతర్జాతీయ గమ్యస్థానాలకు అనుసంధానించే ‘హబ్‌ అండ్‌ స్పోక్‌’ విమాన సేవలను కేంద్ర మంత్రి రామ్మోహన్‌ నాయుడు ప్రారంభించారు. వారణాసి నుంచి తొలి విమానం దిల్లీ మీదుగా అంతర్జాతీయ ప్రయాణాన్ని ప్రారంభించింది. ఈ మోడల్ ద్వారా ప్రయాణికుల వేచి ఉండే సమయం తగ్గడమే కాకుండా, చిన్న నగరాల్లో పర్యాటకం, వాణిజ్య అవకాశాలు మెరుగుపడతాయని ప్రధాని మోదీ పేర్కొన్నారు. ఇది విమానయాన రంగంలో కొత్త విప్లవానికి నాంది పలుకుతుందని ఆశాభావం వ్యక్తం చేశారు.