పేదల ఇళ్లకు లక్షల్లో అర్హులు

రాష్ట్రవ్యాప్తంగా గ్రామీణ ప్రాంతాల్లో ఇళ్ల నిర్మాణం కోసం 10.42 లక్షల మంది దరఖాస్తు చేసుకోగా, ప్రభుత్వం 9.20 లక్షల మందిని అర్హులుగా గుర్తించింది. పీఎంఏవై-ఎన్టీఆర్ పథకం కింద కేంద్ర, రాష్ట్ర ప్రభుత్వాలు సంయుక్తంగా నిధులు అందిస్తున్నాయి. సొంత స్థలం ఉన్నవారికి ఆర్థిక సాయం అందించడంతో పాటు, స్థలం లేని నిరుపేదలకు ప్రభుత్వం 3 సెంట్ల భూమిని కేటాయించనుంది. ఈ పథకంతో గ్రామీణ ప్రాంతాల్లో పేదల ఇళ్ల కల నెరవేరనుంది.