హెచ్‌ఎండీఏ సరికొత్త ప్రయత్నం

హెచ్‌ఎండీఏ పరిధిలోని కాలనీల్లో కబ్జాల బారిన పడి డంపింగ్ యార్డులుగా మారిన పార్కులను అభివృద్ధి చేసేందుకు అధికారులు చర్యలు చేపట్టారు. ఇప్పటికే 23 కొత్త అర్బన్ పార్కులను సిద్ధం చేస్తూ, కబ్జాకు గురైన స్థలాలను స్వాధీనం చేసుకుని సుందరంగా తీర్చిదిద్దుతున్నారు. తొలి విడతలో 23 పార్కులను పూర్తి చేశాక, స్థానికుల సూచనలతో మరిన్నింటిని అభివృద్ధి చేయనున్నారు. కార్పొరేట్ సంస్థల భాగస్వామ్యంతో ఈ పార్కుల నిర్వహణ చేపట్టనుండటం విశేషం. ఈ చర్యలతో కాలనీల్లో ఆహ్లాదకరమైన వాతావరణం ఏర్పడనుంది.