హిట్‌ అండ్‌ రన్‌ కేసు.. పోలీస్‌ కమిషనర్‌ బదిలీ

కేరళలో జడ్జి కుమారుడు నిందితుడిగా ఉన్న హిట్‌ అండ్‌ రన్‌ కేసు దర్యాప్తులో లోపాలున్నాయనే విమర్శల నేపథ్యంలో కొచ్చి నగర పోలీస్‌ కమిషనర్‌ కళిరాజ్‌ మహేశ్‌ కుమార్‌ను ప్రభుత్వం బదిలీ చేసింది. ఈ కేసుకు సంబంధించి ఓ సీఐ, ఎస్‌హెచ్‌ఓ సహా నలుగురు పోలీసు అధికారులను సస్పెండ్‌ చేసినట్లు హోంమంత్రి తెలిపారు. నిందితుడిని కాపాడేందుకు పోలీసులు ప్రయత్నించారని మృతుడి కుటుంబం ఆరోపించింది.