హీరో సూపర్ స్ప్లెండర్ ఎక్స్‌టెక్ 2.0 విడుదల

హీరో మోటోకార్ప్ సరికొత్త 'సూపర్ స్ప్లెండర్ ఎక్స్‌టెక్ 2.0' బైక్‌ను రూ. 86,000 ఎక్స్-షోరూమ్ ధరతో విడుదల చేసింది. 124.7 సీసీ ఇంజిన్‌తో వస్తున్న ఈ బైక్, లీటరుకు 72 కిలోమీటర్ల మైలేజీని అందిస్తుందని కంపెనీ పేర్కొంది. ఇప్పటికే ఈ బైక్ బుకింగ్స్ ప్రారంభమయ్యాయి. ఈ బైక్‌లో బ్లూటూత్ కనెక్టివిటీ, డిజిటల్ ఇన్‌స్ట్రుమెంట్ క్లస్టర్, యూఎస్‌బీ టైప్-సీ చార్జింగ్ పోర్ట్ వంటి ఆధునిక ఫీచర్లు ఉన్నాయి. భద్రత కోసం హజార్డ్ లైట్లు, ఫ్రంట్ డిస్క్ బ్రేక్ వంటి సౌకర్యాలను కల్పించారు. ఆకర్షణీయమైన ఫీచర్లతో మధ్యతరగతి వినియోగదారులకు ఇది ఉత్తమ ఎంపిక కానుంది.