గుజరాత్‌లో భారీ వర్షాలు: 13 జిల్లాలకు ఐఎండీ రెడ్ అలర్ట్ జారీ

గుజరాత్‌లో రానున్న 48 గంటల్లో భారీ నుంచి అతి భారీ వర్షాలు కురిసే అవకాశం ఉందని ఐఎండీ హెచ్చరించింది. ఈ నేపథ్యంలో మధ్య, దక్షిణ గుజరాత్‌లోని 13 జిల్లాలకు రెడ్ అలర్ట్ జారీ చేశారు. అహ్మదాబాద్, నవ్‌సారి తదితర జిల్లాల్లో పాఠశాలలు, కళాశాలలకు సెలవు ప్రకటించారు. లోతట్టు ప్రాంతాల ప్రజలను సురక్షిత ప్రాంతాలకు తరలించాలని, మత్స్యకారులు సముద్రంలోకి వెళ్లవద్దని అధికారులు తెలిపారు.