ఏపీలో భారీ వర్షాలు: బ్యారేజీ గేట్లు ఎత్తివేత!

​ఆంధ్రప్రదేశ్‌లోని పలు జిల్లాల్లో భారీ వర్షాలు కురుస్తున్నాయి. విజయవాడ పరిసర ప్రాంతాల్లో వానలు దంచికొడుతుండటంతో ప్రకాశం బ్యారేజీకి వరద నీరు భారీగా వచ్చి చేరుతోంది. దీంతో అధికారులు ఆల్రెడీ నాలుగు గేట్లు ఎత్తి నీటిని కిందకు వదులుతున్నారు. ​మరోవైపు విజయనగరం, మన్యం, అల్లూరి, శ్రీకాకుళం, పార్వతీపురం జిల్లాల్లో ఉరుములు, మెరుపులతో భారీ వర్షం పడుతోంది. రాష్ట్రంలోని మిగతా చోట్ల ఆకాశం పూర్తిగా మేఘావృతమై ఉందని తాజాగా మీడియా నివేదికలు పేర్కొన్నాయి.