హరీశ్ రావు ప్రసంగం సమయంలో కరెంట్ కట్

అచ్చంపేట బీఆర్ఎస్ కార్యకర్తల సమావేశంలో మాజీ మంత్రి హరీశ్ రావు మాట్లాడుతుండగా అకస్మాత్తుగా విద్యుత్ సరఫరా నిలిచిపోయింది. సీఎం రేవంత్ రెడ్డి వీడియోలు ప్రదర్శిస్తున్న సమయంలోనే ఈ ఘటన జరగడం గమనార్హం. ప్రతిపక్షాల గొంతు నొక్కేందుకు కాంగ్రెస్ ప్రభుత్వం ఇలాంటి చర్యలకు పాల్పడుతోందని పార్టీ నేతలు ఆరోపించారు. రాష్ట్రంలో కరెంట్ కోతల పరిస్థితికి ఇదే నిదర్శనమని బీఆర్ఎస్ కార్యకర్తలు తీవ్ర నిరసన వ్యక్తం చేశారు.