హాలియాలో సీసీ రోడ్డు పనులు ప్రారంభం

హాలియాలో బస్టాండ్ నుంచి ఎస్సీ కాలనీకి వెళ్లే మార్గంలో సీసీ రోడ్డు నిర్మాణ పనులు ప్రారంభించారు. మౌలిక వసతుల కల్పనలో భాగంగా ఈ పనులు చేపట్టినట్లు ఛైర్మన్ చింతల చంద్రారెడ్డి తెలిపారు. రోడ్డు నిర్మాణంతో రాకపోకలు సులభతరమవుతాయని, వర్షాకాలంలో బురద సమస్య తగ్గుతుందని పేర్కొన్నారు. వాహనదారులు, పాదచారులకు సౌకర్యం కలుగుతుందని తెలిపారు. పనులు ప్రారంభం కావడంతో స్థానికులు, వ్యాపారులు హర్షం వ్యక్తం చేశారు.