గుంటూరులో ఈ నెల 11 నుంచి స్పెషల్ టెట్ పరీక్షలు

ఆంధ్రప్రదేశ్ స్పెషల్ టెట్‌ను ప్రశాంతంగా, పారదర్శకంగా నిర్వహించేందుకు ఏర్పాట్లు పూర్తి చేయాలని జాయింట్ కలెక్టర్ అశుతోష్ శ్రీవాస్తవ అధికారులను ఆదేశించారు. ఈ నెల 11 నుంచి 15 వరకు పరీక్షలు జరగనున్నాయి. జిల్లాలో 6 కేంద్రాల్లో 3,398 మంది పరీక్షలకు హాజరుకానున్నారు. వీరిలో 154 మంది దివ్యాంగులకు ప్రత్యేక సదుపాయాలు కల్పించి, విద్యుత్, తాగునీరు, వైద్య సహాయం, పోలీసు బందోబస్తు ఏర్పాటు చేయాలని సూచించారు.