అడుగంటుతున్న భూగర్భ జలాలు.. సాగర్‌పై ఆశలు

పల్నాడులో వర్షాభావ పరిస్థితులతో భూగర్భ జలాలు అడుగంటాయి. దీంతో కొన్ని గ్రామాల్లో బోర్ల నుంచి నీరు రాక ప్రజలు ఇబ్బందులు పడుతున్నారు. ఈ నేపథ్యంలో నాగార్జునసాగర్‌ నీటిమట్టం 529 అడుగులకు చేరింది. శ్రీశైలం జల విద్యుత్‌ ఉత్పత్తి నుంచి విడుదలవుతున్న నీటితో సాగర్‌ నీటిమట్టం క్రమంగా పెరుగుతోంది. సాగర్‌ కాలువలకు నీరు విడుదల చేస్తే భూగర్భ జలాలు పెరిగి సాగు, తాగునీటికి ఉపయోగపడతాయని ప్రజలు ఆశిస్తున్నారు.