జెనారా ఫార్మాకు సీడీఎస్‌సీఓ అనుమతి

ఆందోళన రుగ్మతల (యాంగ్జైటీ) చికిత్స కోసం కృత్రిమ కన్నాబిడియోల్ (CBD) ఓరల్ సొల్యూషన్‌ను తయారు చేసేందుకు జెనారా ఫార్మాకు సీడీఎస్‌సీఓ (CDSCO) అనుమతి లభించింది. బయోఫోర్, లీయుటిస్ సంస్థల సాంకేతికతతో అభివృద్ధి చేసిన ఈ 150 mg/mL మందును కేవలం సైకియాట్రిస్ట్‌లు మాత్రమే సిఫార్సు చేయాలి. ఇది పూర్తిగా సింథటిక్ కావడం వల్ల ఇందులో గంజాయి మొక్కకు సంబంధించిన మత్తు పదార్థాలు ఉండవు. క్లినికల్ ట్రయల్స్‌లో ఇది సురక్షితమైనదని రుజువైంది.