గిగ్ వర్కర్లకు ఉచిత విశ్రాంతి గదులు

హైదరాబాద్‌లోని డెలివరీ బాయ్స్, క్యాబ్ డ్రైవర్లకు ఊరటనిస్తూ సైబరాబాద్ మున్సిపల్ కార్పొరేషన్, అమెజాన్ ఇండియా ఒప్పందం కుదుర్చుకున్నాయి. CSR కింద కొండాపూర్, తెల్లాపూర్, పటాన్‌చెరు, భారతీనగర్, చందానగర్‌లలో అత్యాధునిక 'రెస్ట్ స్టాప్' కేబిన్లు ఏర్పాటు చేయనున్నారు. ఏ సంస్థకు చెందిన గిగ్ వర్కర్లయినా ఉచితంగా తాగునీరు, విశ్రాంతి వసతులను పొందేలా వీటిని రూపొందిస్తున్నారు. నిర్వహణ ఖర్చులను అమెజానే భరించనుంది.