ఖమ్మం జిల్లాలో ఘోరం: కొడుకును చంపిన తండ్రి

ఖమ్మం జిల్లా కల్లూరు పట్టణం అంబేడ్కర్‌నగర్‌లో ఇంటి అమ్మకం వివాదంలో కన్నతండ్రే కొడుకును కత్తితో నరికి చంపాడు. ఆటోడ్రైవర్ అయిన కొత్తపల్లి సీతారాములు, అతని కుమారుడు కిరణ్‌కుమార్‌ (35) మద్యం మత్తులో గొడవపడటంతో ఈ దారుణం జరిగింది. కుటుంబ సభ్యులు ఆసుపత్రికి వెళ్లిన సమయంలో ఈ ఘర్షణ చోటుచేసుకుంది. భార్య విజయజ్యోతి ఫిర్యాదు మేరకు కల్లూరు పోలీసులు కేసు నమోదు చేయగా, ఆటోలో పారిపోయిన నిందితుడి కోసం మూడు పోలీసు బృందాలు గాలిస్తున్నాయి.