గోదావరి వరదలతో రైతులకు పంట నష్టం

గోదావరి వరదలతో పరివాహక ప్రాంతాల్లో పత్తి, వరి, కూరగాయల పంటలు దెబ్బతిన్నాయి. నారుమడులు, నాట్లు వేసిన పొలాలు నీట మునగడంతో రైతులు తీవ్ర నష్టాలు ఎదుర్కొంటున్నారు. వరదల కారణంగా వ్యవసాయ పరికరాలు, మోటార్లు దెబ్బతిన్నాయి. ఎకరానికి రూ.15 వేలకు పైగా పెట్టుబడి నష్టపోయామని రైతులు చెబుతున్నారు. వ్యవసాయ శాఖ అధికారులు నష్టం అంచనాకు సర్వే ప్రారంభించారు.