కుటుంబ కలహాలతో ఘోరం: ముగ్గురు ఆత్మహత్యాయత్నం!

నాగర్‌కర్నూల్ జిల్లా కల్వకుర్తిలో కుటుంబ కలహాల కారణంగా తిరుపతమ్మ, కూతురు లక్ష్మీప్రసన్న, మనవడు కన్నయ్య ఆత్మహత్యాయత్నం చేశారు. వ్యక్తిగత గొడవలతో మనస్తాపం చెందిన ముగ్గురూ కలిసి పురుగుల మందు తాగారు. స్థానికులు వెంటనే స్పందించి వారిని ఆసుపత్రికి తరలించారు. ప్రస్తుతం వారి పరిస్థితి విషమంగా ఉండటంతో, మెరుగైన వైద్యం కోసం బాధితులను హైదరాబాద్ ఆసుపత్రికి తరలించారు. పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు.