రాజంపేటలో ఆక్రమణలకు గురైన పురపాలక స్థలాలు

రాజంపేట పురపాలక సంఘానికి చెందిన కోట్ల రూపాయల విలువైన స్థలాలు అధికారుల నిర్లక్ష్యంతో ఆక్రమణలకు గురయ్యాయి. పాత బస్టాండ్, జాతీయ రహదారి పక్కన ఉన్న రూ.10 కోట్ల విలువైన భూములతో పాటు పలు సెంట్ల స్థలాలు ప్రైవేట్ వ్యక్తుల ఆధీనంలో చిక్కుకుపోయాయి. డంపింగ్ యార్డు భూములు, ఇతర కీలక స్థలాలను రక్షించడంలో అధికారులు విఫలమయ్యారనే విమర్శలు వ్యక్తమవుతున్నాయి. ఇప్పటికైనా స్పందించి ఆక్రమణలను తొలగించాలని ప్రజలు కోరుతున్నారు.