మార్కెటింగ్‌ శాఖలో ఈ-పర్మిట్‌ విధానం

వ్యవసాయ మార్కెట్‌ కమిటీల్లో కాగితపు పర్మిట్లకు స్వస్తి పలుకుతూ ప్రభుత్వం ఈ-పర్మిట్‌ వ్యవస్థను ప్రారంభించింది. ఈ డిజిటల్ విధానంతో ఫీజు ఎగవేత తగ్గి ఏఎంసీలకు ఆదాయం సమకూరనుంది. కొత్త విధానం ద్వారా సరకు రవాణా చట్టబద్ధంగా జరగడంతో పాటు చెక్‌పోస్టుల వద్ద తనిఖీలు వేగంగా పూర్తవుతాయి. క్యూఆర్‌ కోడ్‌ స్కానింగ్‌ ద్వారా వాహనం, సరకు వివరాలు తనిఖీ చేసి పారదర్శక వాణిజ్యానికి మార్గం సుగమం చేశారు.