వాణిజ్య నౌకలపై దాడులు వద్దు: జైశంకర్

పశ్చిమాసియాలో ఉద్రిక్తతల నేపథ్యంలో వాణిజ్య నౌకలు, నావికులపై ఎలాంటి దాడులు జరగకుండా చూడాలని విదేశాంగ మంత్రి ఎస్. జైశంకర్ ఇరాన్‌ను కోరారు. ఇరాన్ విదేశాంగ మంత్రి అబ్బాస్ అరాఘ్చితో ఫోన్‌లో మాట్లాడిన సందర్భంగా ఈ విషయాన్ని వెల్లడించారు. ప్రాంతీయ సంక్షోభ పరిష్కారానికి సంభాషణ, దౌత్యమే మార్గమని భారత్ విశ్వసిస్తోందని జైశంకర్ తెలిపారు. వాణిజ్య నౌకలపై ఏ పక్షం దాడి చేసినా భారత్ ఖండిస్తుందని స్పష్టం చేశారు.