పగలు రంగులు.. రాత్రి చోరీలు

హౌస్ పెయింటర్‌గా నటిస్తూ నగరంలో 78 దొంగతనాలకు పాల్పడిన సలీంను బాలాపూర్ పోలీసులు అరెస్ట్ చేశారు. నిందితుడిని విచారించగా చోరీలను ఒప్పుకోవడంతో, అతని నుండి బంగారు, వెండి ఆభరణాలను స్వాధీనం చేసుకుని శుక్రవారం రిమాండ్‌కు తరలించారు. పగలు ఇళ్లలో రంగులు వేసే కార్మికుడిగా ఉంటూ, రాత్రి వేళల్లో చోరీలకు పాల్పడటం ఇతని పద్ధతి. గతంలోనూ పలుమార్లు జైలుకు వెళ్లిన ఈ నేరగాడిపై పోలీసులు కేసు నమోదు చేసి దర్యాప్తు చేస్తున్నారు.