సీయూఈటీ-యూజీ 2026 కొత్త పరీక్షా షెడ్యూల్

ఈద్ ఉల్ అజా కారణంగా వాయిదా పడిన సీయూఈటీ-యూజీ 2026 పరీక్షలను మే 31, జూన్ 6, 7 తేదీల్లో నిర్వహించనున్నట్లు ఎన్టీఏ ప్రకటించింది. మే 31 పరీక్షకు సంబంధించిన అడ్మిట్ కార్డులను అధికారిక వెబ్‌సైట్ ద్వారా డౌన్‌లోడ్ చేసుకోవచ్చని పేర్కొంది. జూన్ 6, 7 తేదీల అడ్మిట్ కార్డులను త్వరలో విడుదల చేస్తామని, అభ్యర్థులు నిరంతరం వెబ్‌సైట్‌ను గమనించాలని సూచించింది. యూనివర్సిటీ ప్రవేశాలను సరళతరం చేసేందుకు 2022లో ఈ పరీక్షా విధానాన్ని ప్రవేశపెట్టారు.