సామాన్యుడిపై భారం పెరిగిన వంటగ్యాస్ ధరలు

దేశవ్యాప్తంగా డొమెస్టిక్ ఎల్‌పీజీ (LPG) సిలిండర్ ధరలను చమురు సంస్థలు మళ్లీ పెంచాయి. 14.2 కేజీల గృహ అవసరాల సిలిండర్‌పై ఒకేసారి రూ.29 మేర పెంచుతూ నిర్ణయం తీసుకున్నారు. ఈ సవరించిన ధరలు నేటి నుంచే తక్షణమే అమల్లోకి వస్తాయని అధికారిక వర్గాలు వెల్లడించాయి. కేవలం మూడు నెలల స్వల్ప వ్యవధిలోనే గ్యాస్ ధరలు పెరగడం ఇది రెండోసారి కావడంతో సామాన్యులపై భారం పడింది.