రోడ్డు ప్రమాదాల నివారణకు కలెక్టర్ ఆదేశం

కామారెడ్డి జిల్లాలో రోడ్డు ప్రమాదాల నివారణకు అధికారులు సమన్వయంతో పనిచేయాలని కలెక్టర్ ఆశిష్ సాంగ్వాన్ ఆదేశించారు. రహదారుల ఆక్రమణలను వెంటనే తొలగించాలని, ప్రమాదకర క్రాసింగ్‌ల వద్ద హెచ్చరిక బోర్డులను ఏర్పాటు చేయాలని ఆయన సూచించారు. ముఖ్యంగా హైవేల పక్కన ఉన్న హోటళ్లకు ఇచ్చిన అనధికారిక అనుమతులను రద్దు చేయాలని ఆదేశించారు. రహదారి భద్రతా కమిటీ సమావేశంలో ఆయన ఈ మేరకు సంబంధిత శాఖల అధికారులను అప్రమత్తం చేశారు.