పంచకులలో మౌలిక వసతులపై సీఎం సమీక్ష

హర్యానా ముఖ్యమంత్రి నాయబ్ సింగ్ సైనీ పంచకుల మెట్రోపాలిటన్ డెవలప్‌మెంట్ అథారిటీ (PMDA) కీలక సమావేశానికి అధ్యక్షత వహించారు. ఈ సందర్భంగా నగర పరిధిలో రూ. 340 కోట్లతో చేపట్టనున్న మౌలిక వసతుల ప్రాజెక్టులకు ఆయన ఆమోదం తెలిపారు. అభివృద్ధి పనుల నాణ్యతలో రాజీ పడొద్దని, నిర్దేశిత గడువులోగా పూర్తి చేయాలని అధికారులను సీఎం ఆదేశించారు. పారిశ్రామిక ప్రాంతాలలో మురుగునీటి శుద్ధి ప్లాంట్ల నిర్మాణం, రవాణా వసతుల మెరుగుదలపై ప్రత్యేకంగా చర్చించారు.